Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle touch discount coupon kindle touch coupon 2012 logitech g27 coupon 2012 amazon discount codes

لو كنت : وزير التعليم

مشكله التعليم في مصرimages2

الكل عارف ان التعليم فيه مشاكل كتير و ان جزء كبير من المشكله ان التعليم بتاعنا ما زال بطريقه التلقين ومفيش تشغيل دماغ أو اى دعوى للفهم وده ناتج من بعض الحجات وجزء كبير من المشكله هايتحل ان شاء الله لو علجنا مشكله التلقين ديه.
باختصار شديد

لو كنت وزير تربيه وتعليم او التعليم العالى كنت هاخد شويه قرارات واهمها :-

في مرحله التعليم الاساسى

1- عدم تعويد اى طالب على حفظ الدروس واذا كان الغرض من الحفظ التعويد على الكتابه والقراءةفلابد من استبدال هذه الطريقه.

2- في مواد مثل العلوم ممنوع اعطاء اى طالب تجربه من غير التنفيذ العملى لها (على قدر الامكانيات المتاحه واعتقد ان 80 % من التجارب في مرحله التعليم الاساسى متاحه) لانه لو ماعملهاش عملى عمره ماهيفهمها وهتاخد منه وقت اطول في حفظها ومذاكرتها وبالتالى هاتكون اكتر صعوبه في الامتحان واعتبار التجربه هى الاساس لو ماشفش التجربه بعينه يبقي اعتبره ماخدهاش مفيش حاجه اسمها تخيل لازم يشوف بعينه (على قدر الامكانيات). اينشتاين بيقول “الحقيقة هي ما يثبت أمام امتحان التجربة”  فطالما الطالب ماجربش يبقي كل شئ بيدرسه وهم او خيال وبعد الامتحان يترمى في البحر .

3- فى مواد الرياضيات منع الطالب من حفظ اى قوانين والاجبار على فهمها بدايه من الطرح والضرب والقسمه ، لازم الطفل يعرف يعنى ايه ضرب وانه ناتج من الجمع المتكرر ويعنى ايه كسر ويعنى ايه نسبه وتناسب لان فيه فرق هائل وفظيع ان الطفل يعرف ان فيه حاجه اسمها نسبه تناسب ويحل مسائل عليها  وانه يفهم اصلا يعنى ايه نسبه تناسب ، ودا طبعا مش معجزه على المدرس الفاهم بس للاسف ان ده معجزه على نسبه كبيره من المدرسين عندنا، وبكده هانكتشف ايه الصعب من السهل ، فيه مدرسين لما مش بيعرفو يفهمو الطلبه حاجه بيقول احفظوها كده وخلاص زى ماهيه ، وطبعا دى اكبر كارثه في حق الطفل وخيانه لشرف المهنه ، وللاسف كطلبه الكلمه دى بتتسمع كتير جدا (احفظوها كده زى ماهيا).

طيب هانضمن ازاى تحقيق هذه القرارات ؟


4- عن طريق الموجهين وتكثيف الرقابه على المدرس بس مش على الدفاتر وكشكول التحضير ونظافه الكتب والطباشير ونظافه الملعب، الحجات دى صحيح مهمه بس مش اهم حاجه .. اهم حاجه طريقه التعليم وطريقه الشرح ((الى هو صلب العمليه التعليميه )) وعدم التهاون في ذلك.هايفيد بـ ايه المدرسه بتبرق بس الطالب حمار (مع الاعتزار)

 

5- اعاده النظر في تاهيل المدرسين وليس كل حاصل على كليه التربيه بمجموع او بلا مجموع يصلح ان يكون مدرس … ليس كل اول دفعه هو افضل من يكون افضل مدرس …. لازم يكون فيه اختبارللمدرس واضمن انه قادر على توصيل المعلومة مش مجرد انه يمتلكها التدريس ده موهبه مش عند اى حد.

6- فتح المعامل للطلبه لحريه التجريب والاختبار وعدم غلقها ابدا اقفلها ليه اقوله ماتفكرش ماتبدعش ولو خايفين على المعامل يدخل المعمل بس معاه مدرس الماده او امين المعمل ما امنعوش ابدا وايه المشكله لما يكسر حاجه وهو بيجرب.

 


في مرحله التعليم الجامعى  :-


1- طبعا الكلام السابق يتم تطبيقه ايضا .

 

2- في الكليات الطبيه الطالب بيقوم بحفظمايقرب من 50 صوره عينه ولمجرد الحفظ ومش افهم هو الاختبار في قدره الحفظ ولا فى فن الرسم وتذكر الرسومات،المفروض ان اعرفه العينه دى بتاعت ايه واعطيله الأطلس علشان لما يقابل العينه يشوفها فى الاطلس اللى قدامه مفيش اى داعى انه يحفظها ويسمعها ويعيد رسمها.

3- التعليم الجامعى في مصر هو مجرد اختبار على قوه الحفظ والادراك ومدى استيعاب العقل لكميات
هائله من المعلومات ليس إلا.


طبعا انا لو طبقت الحجات ديه انا هلاقى مشاكل كتير بتتحل واهما الدروس الخصوصيه والكورسات لانى هلاقى ان الطالب بيفهم الى بيتقال ومهتم وحابب الموضوع وطبعا الدروس الخصوصيه مش هاتوفر الى بتوفره المدرسه من المعامل وخلافه.
 
— فيه قرار اخير مهم جدا وموجود في دول كتير بس للاسف لسه مش موجود عندنا وهو سجل تقيم للطالب من كل شئ
(ورقه) سواء سلوك او المواد المفضله او مشاكل اجتماعيه او نفسيه علشان اخلى الاخصائى الاجتماعى يقوم بدوره ، وبالتالى لما الاقى طالب كويس وفاجأه مستواه نزل قبل ما أعاقبه او اهزأه ،ادور على مشاكله او  فيه حاجه مأثره عليه ولو فيه طفل خايب أصلا أعالج مشاكله سواء ماديه او اى شئ وهو الموضوع بسيط بس للاسف مفيش ضمير.
 دا كان جزء بسيط لحل المشكله حسب ما قابلت وشوفت بعنيا ويارب الكلام ده حد يشوفه ويوصل لمسؤل ولسه فيه حجات كتير لكن اكتفيت لعدم الاطاله.
وشكرا،

رد واحد to “لو كنت : وزير التعليم”

  1. الحسن لشهاب
    February 22, 2014 at 8:47 pm #

    لو كنت وزير التعليم في مصر لنهجت سياسة التعليم السنغفورية او على الاقل سياسة الرئيس الماليزي المحترم محمد مهاتبر المتفوق بارسال بعتات تعليمية الى اقضل الجامعات الغربية ، التي تعتمد على التعليم الحواري بدل التعليم المصرفي التي تنهجه دول العالم الثالث.

اترك التعليق